NOVIDADES

Estas semanas a xente de Cork está en contacto coa organización do Encontro para ver as posibles opcións de participación no mesmo. Como podedes imaxinar o principal problema é o transporte das embarcacións dende Irlanda, xa que o custe é elevado.

O sábado 3 de novembro temos prevista unha xuntanza do Comité Organizador do Encontro e tamén das diferentes comisións, co obxectivo de pornos ao día do resultados das diferentes reunións coas administracións que se realizaron estes meses e tamén ir avanzando cuestións loxísticas e do programa de actividades.

Estes días estivemos a darlle un lavado de cara á gamela A Roncadeira, unha gamela adaptada a persoas en cadeira de rodas, un proxecto do Concello da Guarda financiado a través dos anteriores Grupos de Acción Costeira.

O 17 de maio poñemos rumbo ao Festival Marítimo de Pasaia da man da Federación Galega pola Cultura Marítimo e Fluvial (CULTURMAR) para realizar a primeira presentación do XIV Encontro de Embarcacións Tradicionais de Galicia, levando o nome da Guarda por esta terra guipuscoana.

O prazo para presentar a candidatura remata en marzo, si, mais temos pleno convencemento de que podemos adiantar cousiñas e por iso nesta data comezamos co web do XIV Encontro, sempre dende o máximo respecto polas outras candidaturas. Hoxe xa anunciamos na Radio Galega a nosa intención de presentarnos, no programa "A TARDE".

Para preparar a candidatura temos claro que un dos eixos importantes é a relación entre o Baixo Miño galego e o Alto Minho portugués, así que estamos indo polos concellos dunha e outra beira para presentarnos e procurar apoio, xa que as rutas marítimas percorrerán varios destes concellos e tamén temos previsto organizar actividades previas en...